Törkiyä Cömhüriyäte İlbaşı Räcäp Tayyip Ärdoğan Berläşkän Millätlär Oyışmasınıñ 81nçe Ğomum Şurasına (General assambleyasına) möräcäğät itte. Ärdoğannıñ çığışında Fälästin, BMO reforması, regional bäreleşlär, klimat üzgäreşläre häm yasalma fähem alğı planğa çıqtı.
“Fälästin xalqınıñ köräşen cämäğätçelekkä citkerüne däwam itäçäkbez”
Ärdoğan Fälästin İlbaşı Mäxmüd Abbasnıñ ber-ber artlı ike yıl buyı Ğomum Şurada qatnaşa almawın tänqitläde. Törkiyäneñ irekle häm suveren Fälästin däwläteneñ tawışı bulırğa däwam itäçägen belderep, Fälästinne älegä tanımağan illärne üz qararların yañadan qararğa çaqırdı.
“Keşelek şul köçle ixtıyarnıñ tormışqa aşacağın kötä”
BMOnıñ tözelüennän 81 yıldan soñ dönyanıñ äle haman suğış häm bäreleşlär belän qara-qarşı buluın belderüçe Ärdoğan soñğı 12 ayda 60tan kübräk bäreleşneñ häm suğışnıñ yäşänüen äytte.
“Ğazzä – çorıbıznıñ iñ keşeleksez konślagere”
Ğazzädäge xällärgä iğtibarnı yünältüçe Ärdoğan meñlägän keşeneñ ğomere özelüen, küp sanda keşeneñ öylärennän kitärgä mäcbür buluın häm xastaxanälärdä yağulıq citmäwen belderde. Yordannıñ könbatış üzänlegendä kilep urnaşuçılarnıñ höcümnäreneñ artuına häm Qodüstä izge urınnarğa kerüneñ totqarlanuına iğtibarnı yünältte.
“BMO üz wazıyfaların üti almaslıq xälgä kiterelde”
Ärdoğan, BMOnıñ nizağ töbäklärendä täêsirsez qaluın belderep, xalıqara sistemağa ışanıçnıñ yañadan torğızıluının zarurlığın äytte.
“İminlek Şurası “Dönya biştän zurraq” nigezenä qarap reformalaştırılırğa tiyeş”
BMO İminlek Şurasınıñ qorılışınıñ reformalaştırıluınıñ zarurlığın belderüçe Ärdoğan xalıqara xoquqnı härkemgä tigez qullanırğa, töbäk milegen saqlarğa, açıq diplomatiyä häm kerem ğadellegen nığıtırğa çaqırdı.
