Paqıstan armiyäse süzçese Äxmät Şärif Çaudri ileneñ Soğud Ğaräbstanın saqlaw öçen barlıq tırışlıqlarnı quyaçağın belderde häm Riyad citäkçelege iminlegenä qarata yöklämälärneñ şartsız buluın bilgeläp ütte.

“Arab News” belän intervjuda Çaudri Yämändäge xusilärneñ Soğud Ğaräbstanına qarşı höcümnäre xaqında fikeren äytte.

Äxmät Şärif Çaudri: "Paqıstan diplomatik häm ğämäli bularaq belän Soğud Ğaräbstanı yanında. Häm min “ğämäli” süzen assızıqlap äytäm. Äl-Xaram belän Mäsciden-Näbävi mäçetläre häm Soğud Ğaräbstanı iminlege öçen barlıq tırışlıqlarnı kürsätäçäkbez. Soğud qardäşlärebez taläp itkän häm ixtiyac toyğan härtörle yärdämgä äzer bez," - dip äytte.

Armiya süzçese Paqıstan xalqınıñ Soğud Ğaräbstanındağı tuğannarı belän iñgä-iñ buluın assızıqladı häm: "Qısqası, bez monda häm Soğud Ğaräbstanın härtörle höcümnärdän saqlarğa däwam itäçäkbez," - dip östäde.

Yämändäge xusilär soñgı könnärdä Soğud Ğaräbstanına qarşı raketa häm dron höcümnären köçäytte.