AQŞ kiläse atnada Berläşkän Millätlär Oyışması Ğomum Şurasında çığış yasayaçaq dip kötelgän Fälästin ilbaşı Mäxmüt Abbasnıñ viza ğarizasın kire qaqtı.
“The Times of Israel” gazetı AQŞ häm Fälästin räsmiyenä sıltama belän xäbär itkänçä, Abbas ikençe yıl rättän BMO Ğomum Şurasında videokonferentsiyä aşa çığış yasarğa mäcbür bulaçaq.
Abbastan tış, BMO Ğomum Şurası öçen AQŞqa baruı kötelgän başqa Fälästin räsmilärenä dä viza birüdän baş tarttılar.
Fälästinneñ ber räsmiye üzenä viza birelmäw säbäben "terroristik êşçänlektä qatnaşqan yäki terroristik oyışma belän bäyläneşe bulğan keşelärgä viza birüne tıyuçı 212(a)(3)(B) maddäse" dip bilgeläp ütte.
Abbasnıñ viza ğarizasın kire qağu säbäbe şul uq bulu-bulmawı açıq tügel.
