Düşämbe könne Bangladeş räsmi zatları tağın 8 bala ülgännan soñ, ildä qızamıq häm qızamıqqa oxşaş simptomnardan ülüçelärneñ  ğomumi sanı 1 030ğa citüen belderde.

Sälamätlek saqlaw ministrlığı qarşındağı Sälamätlek saqlaw  xezmätläre ğomum mödirlege  mäğlümatlarına qarağanda, yaña ülem oçraqlarınıñ  dürtese başqala Dakkada terkälgän.

Dakka töbägendä genä terkälgän ülemnärneñ ğomumi sanı 482gä citkän.

Şul uq waqıtta, simptomlı oçraqlar sanı 172 720gä,  a raslanğan oçraqlar sanı isä 20 124kä kütärelgän.

Bötendön'ya sälamätlek saqlaw oyışması  mäğlümatlarına qarağanda, 175 million xalqı bulğan Bangladeş vaksina yasatu kürsätkeçläreneñ tübän buluı säbäple êpidemiya  taraluın kontrol’dä totuda awırlıqlar kiçerä.

Oyışma beldergänçä, Bangladeş êlek qızamıqqa qarşı kümäk immunitetqa iyä bulğan, läkin soñğı yıllarda vakśinaśiya  kürsätkeçläre kimü säbäple bu immunitetın yuğaltqan.

Sälamätlek saqlaw ministrlığı  aprel' ayınnan birle ğadäti vakśinaśiyälärdän tış  maxsus programma qısalarında yaqınça 19,48 million balağa vaksina yasağan.