Tışqı êşlär ministrı Xaqan Fidan 15-16 sentyabrda Azärbaycanğa säfär qılaçaq.

Tışqı êşlär ministrlığı çığanaqlarınnan alınğan xäbärgä qarağanda, ministr Fidan Azärbaycanğa säfäre qısalarında tışqı êşlär ministrı Cäyhun Bayramov belän ike yaqlı häm wäkilleklärara söyläşülär ütkäräçäk; şulay uq Azärbaycan saqlanu ministrı Zakir Xäsänov belän oçraşaçaq.

Monnan tış, ministr Fidannıñ Azärbaycan ilbaşı İlham Äliyev tarafınnan qabul itelüe kötelä.

Söyläşülärdä Xaqan Fidannıñ strategik däräcädä alğa kitkän Törkiyä-Azärbaycan mönäsäbätlärennän qanäğat buluın belderüe, ike il ilbaşları bilgelägän 15 milliard dollarlık säwdä külämenä ireşü öçen başqarıla torğan êşlärne tizlätü kiräklegen assızıqlawı, şulay uq ênergetika häm transport ölkälärendäge urtaq kön tärtibe matdäläre häm proyektlarnı da quzğatuı kötelä.

Söyläşülärdä ministr Fidan ike berlektäş il arasında saqlanu sänäğäte, iminlek häm xärbi ölkälärdä däwam itüçe xezmättäşlekne bäyäläyäçäk häm Törki däwlätlär oyışması belän ber rättän küp taraflı platformalarda ike il arasındağı xäzerge xezmättäşlekne küzdän kiçeräçäk.

Şulay uq söyläşülärdä Törkiyädä ozaqlamıy uzaçaq Törki däwlätlär oyışmasınıñ 13 nçe sammitı häm “COP31” turında kiñäşmälär alıp baru küzdä totıla.

Fidan söyläşülärdä Azärbaycan belän Ärmänstan arasında tınıçlıqnı urnaştıru öçen tarixi mömkinlek barlıqqa kilüe turında äytäçäk; Törkiyäneñ taraflar arasında yaxşı kürşe mönäsäbätlären buldırunı yaqlawın häm uñay üzgäreşlärne qänäğätlek belän qabul itüen citkerüe kötelä.

Ministr Fidan Qarabax cirlärendä asqormanı yaxşırtu, ênergetika häm säwdä liniyalären êşlätep cibärü häm bäyläneşlelekne köçäytü maqsatında başqarıla torğan êşlärne Törkiyäneñ yaqlawın beldereçäk; töbäk häm xalıqara täraqqıyätlär xaqında fiker alışaçaq.