İzrail häm Marokko iqtisadi xezmättäşlekne nığıtu häm diplomatik mönäsäbätlärne yaxşırtu turında qarar qabul itte. Moña, şul isäptän, diplomatik missiyälärne ilçelär däräcäsenä kütärü häm ilçelärne bilgeläw dä kerä.

İzrail Tışqı êşlär ministrlığınnan yasalğan belderüdä İzrail tışqı êşlär ministrı Gideon Saar, Marokko tışqı êşlär ministrı Naser Burita häm AQŞnıñ Berläşkän Millätlär Oyışmasındağı daimi wäkile Mayk Valtsnıñ Nyu-Yorkta öçyaqlı sammit ütkärgäne xäbär itelde.

Öç yaqlı sammitta İzrail häm Marokko arasındagı diplomatik mönäsäbätlärne nığıtu, ike ilneñ diplomatik missiyälären ilçe däräcäsenä kütärü häm ilçelärne bilgeläw turında niyät deklaratsiyäse qabul itelde, dip citkerelä.

Şulay uq, ike il arasındagı iqtisadi häm säwdä êlemtälären nığıtu öçen, 2026 yılnıñ axırına qadär investitsiyälärne yaqlaw häm ikelätä salım saludan qaçu turında kileşülärgä qul quyu turında urtaq fikergä ireşelgänlege äytelde.

İke il arasında oçışlarnı kiñäytü häm üzara yuğarı däräcädäge säfärlär ütkärü turında da kileşengän.

2020 yılda Marokko, Berläşkän Ğaräp Ämirlekläre (BĞÄ), Baxreyn häm Sudan İzrail belän mönäsäbätlärne cayğa salu turında kileşte, bu protsessnı "Avraam kileşüläre" iseme astında imzalanğan dokumentlar belän räsmiläşterde.

Kileşü qısalarında, İzrail häm Marokko diplomatik mönäsäbätlär urnaştırdı, Tel'-Aviv häm Rabatta üzara wäkilleklär açtılar.