AQŞ däwlät särqatibe Marko Rubio Süriyä tışqı êşlär ministrı Äsäd Xäsän Şäybani belän telefonnan söyläşte. Alar töbäk iminlege häm ike il arasındağı xezmättäşlekne nığıtu mäsälälären tikşerde.

AQŞ däwlät departamentı wäkile Tommi Pigott süzlärençä, Rubio Süriyädäğe azçılıq törkemnärenä integratsiyäsen däwam itünün möhimlegen assızıqladı.

Rubio, şulay uq, Süriyäneñ Xalıqara atom ênergiyäse agentlığı belän xezmättäşlektäğe alğarışın yuğarı bäyäläde. Bu agentlıq atom êşçänlegen küzätü häm atom ênergiyäsen tınıç maqsatlarda qullanunı alğa etärü öçen cawaplı.

Süriyä tışqı êşlär ministrlığı belderüendä äytelgänçä, söyläşüdä ike il arasındagı mönäsäbätlär, şulay uq, alarnı alğa taba üsterü häm xezmättäşlekne nığıtu yulları qaralğan.

Belderüdä Şäybani AQŞqa Süriyägä qarata kertelgän sanktsiyalärne betergäne öçen räxmäten citkerde diyelä.

Belderüdä: "Oçraşuda töbäktäğe wäzğıyät häm waqıyğalar, şulay uq, Süriyäneñ säyäsi häm iqtisadi ölkälärdä töbäk totrıqlılığın täêmin itüdäğe möhim role qaraldı", - diyelä.