Üzbäkstan Senatınıñ 19nçı Ğomum şura cıyılışında, 7nçe iyüldä Parlamentnıñ Qanun çığaru palatasında tikşerelgännän soñ Senatqa cibärelgän älifba turındağı qanun ölgese qaraldı.

Senat Ğomum şurasında qabul itelgän qanunğa kürä, yaña üzbäk alfavitı ildäge xäzerge 26 xäref häm 3 xäref qatnaşması urınına 28 xäreftän häm apostroftan (') toraçaq.

Bu üzgäreş belän xäzerge waqıtta "o‘", "g‘", "sh" häm "ch" bularaq qullanılğan xäreflär häm xäref kombinaśiyäläre "ö", "ğ", "ş" häm "ç" räweşendä yazılaçaq digän qarar qabul itelde. Şulay uq "ng" xäref qatnaşması yaña älifbağa kertelmäyäçäk dip qarar qılındı.

Bu räweşle üzbäk älifbasınıñ Törkiyä belän bergä latin alfavitı qullanılğan törki dönyadağı älifbalar belän oxşaşlığınıñ arttırıluı küzdä totıla.

Yaña tärtipneñ ğämälgä kertelüennän soñ xäzerge alifbanıñ qullanıluı belän bäyle bularaq küçeş çorı bulaçaq.

Qanunnı ğamälgä aşıru öçen äzerlänäçäk çaralar planında kürsätelgän waqıt êçendä räsmi dokumentlarda, däwlät oyışmaları logotiplarında, aqça berämleklärendä, êlmä taqtalarda, bilgelärdä häm başqa qayber êlementlarda ğamäldäge alfavitnı qullanu röxsät iteläçäk.

Senatta qabul itelgän qanun raslanuı öçen İlbaşı Şäwkät Mirziyayevkä cibärelde. Yaña alifba qanun İlbaşı tarafınnan imzalanğannan soñ ğämälgä keräçäk.