Törkiyä, Soğud Ğaräbstanı häm Paqıstannan yuğarı däräcädäge wäqalätlelärneñ Tähranda İran räsmiläre belän oçraşaçağı xäbär itelä.

İrannıñ Yuğarı Milli Qurqınıçsızlıq şurası ğomum särqatibe urınbasarı Ali Baqiri İran televideniesendä “Mäkkä ittifaqına” äğza bulğan Törkiyä, Soğud Ğaräbstanı häm Paqıstannan yuğarı däräcädäge wäqalätlelär Tähranğa kiläçäk dip belderde.

Baqiri citkergänçä, Soğud Ğaräbstanı saqlanu ministrı Xalid bin Salman, Paqıstan armiyase ştabı başlığı Äsim Mönir häm Törkiyäneñ yuğarı däräcädäge wäqalätlese İrannıñ Yuğarı Milli Qurqınıçsızlıq şurası ğomum särqatibe Möxsin Rezai belän ütkäreläçäk oçraşuda qatnaşaçaq. İran matbuğat çaraları oçraşunıñ bügen bulaçağın xäbär itte.

“Anadolu agentlığı” Törkiyäneñ qurqınıçsızlık çığanaqlarından alğan mäğlümat buyınça, Törkiyäneñ Milli Küzläw Oyışması (MİT) başlığı İbrahim Kalın da Tährandagı oçraşuda qatnaşaçaq.