Berençe mäğlümatlarğa qarağanda, Qıtaynıñ Tibet üzidaräläe töbägendä kiçä tönlä bulğan 7 ball zurlığındağı cirteträwdä 16 keşe hälaq bulğan.
“Sinhua” agentlığı xäbärenä qarağanda, cirteträwneñ êpiśentrı - Tibet üzidaräle töbägeneñ Nakçu prefekturasındağı Baçın cirlege.
Cirteträw näticäsendä 300dän artıq yort cimerelgän.
Berençe mäğlümatlarğa qarağanda, cirteträwdä 16 keşe hälaq bulğan, 32 keşe yaralanğan.
Afät töbägenä 300 poliśiya xezmätkäre, şulay uq 347 yanğın sünderü häm qotqaru xezmätkäre cibärelgän.
Yaralanğan keşelärneñ 11e awır xäldä, ciñelçä yaralanğan 21 keşe isä xastaxanälärdä däwalangan.
Töbäktä êzläw-qotqaru êşläre däwam itkänlektän ülüçelär sanı artırğa mömkin digän borçılular bar.
Tibetnıñ Şigasi töbägendäge Tingri cirlegendä 2025 yılnıñ ğınwar ayında bulğan 6,8 ball zurlığındağı cirteträwdä 120 keşe hälaq bulğan ide.
