İran tışqı êşlär ministrı Abbas Araqçı İzrail xökümäte räise Bin'yamin Netanyaxunı törmägä êläkmäs öçen AQŞnı İran belän tağın ber sugışqa tartırğa tırışuda ğayepläde.

Abbas Araqçı Netanyaxunıñ İranğa qarşı belderülärenä üzeneñ “X” sotsial' media platformasındağı akkauntında reaktsiyä belderde.

İran ministrı: "Netanyaxu törmägä êläkmäs öçen AQŞnı yaña sugışqa tarta, İzrail häm AQŞ ilbaşı öçen kilep tuaçaq näticälärne isäpkä almıy", - dide ul.

Araqçı, İrannıñ "êşne tämamlaw öçen êşlängän" höcümnärdän köçleräk bulıp çığuın raslap, "Sez tağın ber tapqır bäxetegezne sınap qararğa teläsezme? Äydä. Läkin saq bulığız; bezneñ dä tämamlanmağan êşlärebez dä bar", dide.

“The Times of Israel” gazetı xäbär itkänçä, İzrail xökümäte räise Bin'yamin Netanyaxu, 27 oktyabr'dä uzaçaq saylawlarnıñ "tormışçan ähämiyätkä iyä" buluın äytep, üzeneñ iğlan itkän qurqınıçsızlıq doktrinasında "İran rejimın bärep töşerü" mäs'äläsenä qağılğan.

İrannıñ "naçaraya baruçı iqtisadı cämäğatçelek basımın arttıra häm yaña protestlar kiterep çığarırğa mömkin" dip raslap, Netanyaxu bolay dide: "Bezneñ plan - rejimnı cimerü öçen bik komplekslı häm nıqlı plan. Barlıq qurqınıçsızlıq oyışmalarına birgän kürsätmäm bu".