Yämändä “Xusi” fetnäçeläreneñ waqıtlıça başqala Adendağı Maaşiq ilbaşı sarayına höcüme näticäsendä biş keşe hälaq bulğan häm 16 keşe yaralanğan dip xäbär itelä.

Yämän mäğlümat ministrı Muammär äl-İryani üzeneñ sotsial media akkauntında “Xusilärneñ Adendağı Maaşiq ilbaşı sarayına biş raketa belän höcüm itülären citkerde.

Ul höcüm waqıtında sarayda bulğan Yämän xökümät räise häm kabinet äğzalarınıñ zıyan kürmäwen belderde.

Yämän sälamätlek saqlaw ministrı Qasım Buxaybi üzeneñ “Facebook” akkauntında saraynı saqlaw burıçı yöklängän biş saqçı häm ğadi xezmätkärlär hälaq buluın, ä 16 keşeneñ yaralanuın belderde.