Franśiyadä êlek xayvannarda ğına küzätelgän Şamonda virusınıñ berençe oçrağı terkälgän.
Franśiyaneñ sälamätlek saqlaw ministrlığı belderüendä bu ay başında Liondağı xastaxanädä däwalanğan xastanıñ Şamonda virusın yoqtıruı açıqlanğan.
Belderüdä virusnıñ êlek keşelärgä yoğışlı bulmağan dip sanaluı häm Lion oçrağı virusnıñ keşedä açıqlanuınıñ berençe cämäğatçelekkä iğlan itelgän oçrağı buluı bilgeläp ütelä.
Şamonda virusı bu cäydä Franśiyaneñ könçığışında xayvannarda açıqlanğan.
Berençe tapqır 1960nçı yıllarda Nigeriyadä kürelgän virus soñraq Afrika häm Yaponiyadäge sıyırlarda tabılğan. Bıyıl Awrupada Şamonda virusınıñ berençe oçraqları terkälgän.
Küpçelek sıyırlarda küzätelüçe virusnıñ töp simptomnarına êç kitü, xälsezlek häm yuğarı temperatura kerä.
