Törkiyä tışqı êşlär ministrlığı Yordaniyäneñ Äl - Karak şähärendäge çirkäwgä oyıştırılğan qorallı höcüm turında belderü yasadı.
Höcüm kisken räweştä ğayeplängän belderüdä tübändäge süzlär urın aldı:
“Höcümdä ğomeren yuğaltqan keşelärneñ yaqınnarınıñ häm Yordaniya xalqınıñ qayğısın urtaqlaşabız, yaralanğan keşelärneñ tizräk sawığuın telibez. İlneñ berdämlegenä häm tınıçlığına yünältelgän bu höcümgä qarşı Yordaniya belän teläktäşlegebezne tağın ber qat assızıqlıybız”.
Yordaniyäneñ Äl - Karak şähärendäge çirkäwgä oyıştırılğan qorallı höcüm näticäsendä 7 keşe hälaq bulğan, 27 keşe yaralanğan.
Yordaniya premyer-ministrı Cafer Xasan höcümdä hälaq bulğan keşelär istälegenä il külämendä öç könlek milli matäm iğlan itelüen citkerde.
