AQŞ ilbaşı Donald Trampnıñ maxsus wäkile Stiv Vitkoff Sankt-Peterburgta Rusiyä ilbaşı Vladimir Putin belän oçraşıp, Ukraina belän suğışnı tuqtatuğa yünältelgän yañartılğan tınıçlıq täqdimen yasar dip kötelä.
“Axios” säxifäsenä üz isemen beldermäw şartı belän söylägän AQŞ räsmiye Vitkoffnıñ bügen Sankt-Peterburgta Putin belän oçraşaçağın äytte.
Räsmi wäkil Trampnıñ kiyäwe Djared Kuşnernıñ da onlayn rejimda söyläşüdä qatnaşaçağın häm Vitkoffnıñ Putinğa 2022 yılnıñ fevralennän birle dawam itüçe Ukraina belän suğışnı tuqtatu buyınça yañartılğan täqdimne kertäçägen belderde.
Vitkoff kiçä Norvegiyä başqalası Osloda Ukraina ilbaşı Volodimir Zelenskiy häm Norvegiyä xökümäte räise Yonas Gar Stor, şulay uq, E4 illäre (Böyekbritaniyä, Fransiyä, Germaniyä häm Polşa), Awrupa Berlege häm NATO wäkilläre belän oçraştı.
AQŞ ilbaşı Donald Tramp Ukraina liderı Zelenskiyğa Rusiyä belän kileşü tözergä waqıt citüen belderde häm: "AQŞ Ukrainağa bik küp aqça sarıf itte, Awrupa da bik küp aqça sarıf itte. Awrupa xäzer monnan bik tuydı", - dip östäde.
