Ukraina tışqı êşlär ministrı Andrey Sibiga beldergänçä däwlät başlığı Volodimir Zelenskiy AQŞ ilbaşı Donald Tramp qatnaşında yäisä Törkiyä ilbaşı Räcäp Tayyip Ärdoğan aradaşçılığı belän Rusiyä däwlät başlığı Vladimir Putin belän küreşä ala.
Ukrainanıñ "RBK-Ukraina" xäbär agentlığına intervyu birgän Sibiga 2022 yılınıñ fevral’ ayınnan birle däwam itüçe Rusiyä-Ukraina suğışın tuqtatu öçen başqarılğan êşlärne bäyäläde.
AQŞ, Rusiyä häm Ukraina qatnaşındağı öç yaqlı söyläşülärne qabat ütkärü kiräklegen häm moña äzer buluların beldergän Sibiga: "Bu mömkin bulsa, iñ qısqa waqıtta çınğa aşsın dip telibez. Tınıçlıqqa tağın da yaqınayu öçen härber keçkenä mömkinlekne dä qullanırbız,” - dip äytte.
Suğışnı tuqtatu öçen Zelenskiy belän Rusiyä däwlät başlığı Putinnıñ oçraşuı kiräk dip äytkän Sibiga monıñ AQŞ ilbaşı Tramp qatnaşında yäki Törkiyä liderı Ärdoğan aradaşçılığında ütkärelä alınuın citkerde.
