Bötendönya säyäxät häm turizm şurasınıñ 26nçı global sammitı Maltada däwam itä. Anda säyäxät häm turizm ölkäseneñ kiläçäge bäyälänä.
“Kiläçäkne yañadan töze” temasında 7–9 oktyabrdä Malta başqalası Vallettadağı Urta diñgez konferenśiya üzägendä ütkärelgän sammitta säyäxät häm turizm ölkäseneñ kiläçägen bilgeläyäçäk başçalar qarala.
Sammitnıñ bügenge açılış utırışında çığış yasağan Kanadanıñ êlekke premyer-ministrı Djastin Trudo ilgä turistlarnı cälep itüdä illärneñ abruyı kebek ük, qunaqlarnıñ üzlären niçek qarşı alularınıñ da möhim buluın äytte.
Trudo keşelärneñ yal itärgä qayda barırğa, küñel açu öçen yäki êş säfäre belän qaya säyäxät itärgä mäs’äläsendä härwaqıt variantlarnıñ buluın äytep tübändägeçä däwam itte: “Soñgı yıllarda AQŞ säyäxätçelärneñ üzlären qunaqçıl xis itülären täêmin itüdä bik uñışlı bulmadı. Çiklärne qatğıylandırudan alıp, çiktä qulğa alınsağız närsä bulaçağına borçılularğa qadär.”
Trudo: “Kanadanıñ il bulmawın äytü — xörmätsezlek”
Ul Kanadalılarnıñ AQŞqa säyäxät itü mäs’äläsendä borçıluın ämma asıl problemanıñ AQŞ citäkçelegeneñ Kanadağa qarata xörmätsez totışı buluın belderep: “Donald Tramp Kanadağa xörmät kürsätmi, bu cirlärneñ çın il tügellegen äytte,” - dide.
“Minemçä bezgä añlarğa kiräk bulğan berençe närsä - qayber xökümätlär yaxşı aralaşa, ä qayberläre yuq. Bu — çınbarlıq. Keşelärneñ, watandaşlarnıñ xislären isäpkä alğanda, misal öçen bernindi xökümät tä, xätta bez dä, AQŞ belän awırlıqlar kiçergändä keşelärneñ AQŞqa baruların qatlawlandırmadıq, bäyälärne arttırmadıq yäki cäzalar qullanmadıq. Kanadalılar üzläre AQŞqa barmasqa buldı.”
AQŞka säyäxät itüçe kanadalılar sanı kimede
Trudo AQŞqa säyäxät itüçe kanadalılar sanı kimi başlağaç, Amerika turoperatorları, hawa yulları şirkätläre häm qunaqxanäläre bäyälären töşerde läkin bu Kanadanıñ säyäxät östenleklären üzgärtü öçen citärlek tügel dide.
