Törkiyä ilbaşı Räcäp Tayyip Ärdoğan 2023 yılnıñ 7 oktyabrenä qadär dä, annan soñ da Fälästin däğwasınıñ köçle tawışı buldı. Yıllar däwamında Ärdoğan här platformada Fälästin êşenä häm Ğazzägä teläktäşlegen belderde.

Ärdoğan 2019 yılda Berläşkän Millätlär Oyışmasında birgän sorawı belän istä qaldı: "İzrail' däwläteneñ çikläre qayda?"

"Alar bez tın qalsaq, problema yuqqa çığacaq dip uylıylar. Läkin bez tın qalsaq ta, tarix tın qalmayaçaq. Tarix tın qalsa da, xaqıyqat tın qalmayaçaq. Alar bezdän qotılsalar, problema yuqqa çığacaq dip uylıylar. Läkin alar bezdän qotılsalar da, vöcdan ğazabınnan qotıla almayaçaqlar. Vöcdan ğazabınnan qotılsalar da, tarix ğazabınnan qotıla almayaçaqlar. Tarix ğazabınnan qotılsalar da, Allahı Täğaläneñ ğazabınnan qotıla almayaçaqlar" - di ilbaşı Räcäp Tayyip Ärdoğan

Cäberlängän töbäklärdän ğayepsez balalarnıñ yazmışı turında köçle süzlär belän söylägän Ärdoğan, dönyağa möräcäğatlärendä dä, ike yaqlı oçraşularında da Ğazzä mäsäläsen härwaqıt kön tärtibendä tota.

"Bu keşelekneñ iñ tübän noqtası; keşelek tarixı uzğan ğasırda mondıy wäxşilekne kürmägän" - di ilbaşı Räcäp Tayyip Ärdoğan.

İlbaşı Ärdoğan genotsid cinayätçeläreneñ yözenä härçaq çınbarlıq belän suqtı.

"Yörägem belän süzlärem arasına pärdä salmıyça, min monda qayber xaqıyqatlärne açıqtan-açıq äytäm. Berkem dä üpkälämäsen, bu Tayyip Ärdoğannıñ şäxsi êşe tügel. Bu keşelek mäsäläse. Bu barıbıznıñ da vöcdan mäsäläse" - dip söyli ilbaşı Räcäp Tayyip Ärdoğan.

Törkiyä, şulay uq, xalıqara cämäğatçelekne quzğatu öçen dä tırışıp êşläde.