Genośidçı İzrail 2023 nçe yılnıñ 7 oktäbrennän birle ğayepsez Ğazzä xalqına awır höcümnären däwam itä.
Ğazzädäge keşelek tragediyase başlanğan könnän birle Fälästin xalqına yärdäm kürsätergä däwam itüçe Törkiyä diplomatik tırışlıqlardan tış, “AFAD” häm “Qızılay” oyışmaları aşa töbäkkä azıq-tölek, su, gigiyena äyberläre häm çatırlar kebek tonnalağan yärdäm citkerde häm däwalanuğa moxtac Ğazzälelärne Törkiyädäge xastaxanälärdä qabul itte.
“AFAD” koordinaśiyase astında hawa häm diñgez yulı buldırıldı
Afät häm ğadättän tış xällär belän idärä itü räislege (AFAD) koordinaśiyase astında alıp barılğan yärdäm mobilizaśiyase qısalarında töbäkkä gumanitar yärdäm cibärü öçen 21 köymä häm 14 oçqıç bilgelände. Barlığı 111 meñ 567 tonna gumanitar yärdäm materialı cibärelde.
Êşçänleklär qısalarında tağın 1051 yök maşinası belän yaqınça 16 000 tonna yärdäm materialı “Räfax” çik buyı qapqası aşa Ğazzägä citkerelde, töbäkkä 8 million dollarlık aqçalata yärdäm kürsätelde.
“Törek Qızılayı” qaynar aştan alıp protez yärdämenä qadär bulıştı
Berençe könnärdän ük aktiv rol başqarğan “Törek Qızılayı” oyışması “İgelek köymäläre” yärdämendä Ğazzägä 25 000 tonnadan artıq yärdäm iltte. Töbäktä tiränäygän azıq-tölek krizisına qarşı “Qızılay” bügenge köngä qadär 11 millionnan artıq keşeneñ tuqlanu ixtıyacın qanäğatländerde häm açqan aşxanäläre aşa här kön 30 000 keşe öçen qaynar aş tarata.
“Qızılay” töbäkkä aş qına tügel, çista su da cibärä. Könenä 150 tonna su taratıp, 15 000 keşeneñ möhim ihtiyacın qanäğatländerep tora.
Yaralanuçılarnı Törkiyädä däwaladılar
Törkiyä gumanitar yärdäm belän genä çiklänmäde. Ğazzädä sälamätlek saqlaw xezmätlären däwam itterü öçen xastaxanälärneñ ixtiyacları tülängän häm töbäktäge awır yaralanuçılar belän xastalar däwalanu öçen Törkiyägä kiterelde. Däwalanuçı Ğazzälelär belän kilgän yardämçelär öçen dä torır cir täêmin itelde.
Bu zur yärdäm kampaniyase törek xalqınıñ köçle berdämlege, şulay uq törle oyışmalarnıñ yärdäme belän ütkärelde. Törkiyäneñ törle poçmaqlarınnan cıyılğan yärdämnär häm äzerlängän paketlar Ğazzägä ireşterelde, här paket ber ğailäneñ ömeteneñ ber öleşe, här yärdäm milli teläktäşlek ürnäge buldı.
Ğazzä xalqı da bu teläktäşlekne onıtmıy. İñ awır könnärendä yannarında bulğan törek xalqınıñ yärdämen yöräklärendä saqlap yörtüçe Ğazzälelär cimerelgän diwarlarga Törkiyä bayraqların häm yärdäm qulın simvollawçı räsemnär sızıp: “Bu - sezneñ öçen” dip, räxmätlären belderä.
