Törkiyä ilbaşı Räcäp Tayyip Ärdoğan: “Töbägebez ut bocrasına äylängän şartlarda 'Terrorsız Törkiyä' tırışlıqları Törkiyäneñ doşmannarına qarşı toruçan yoğıntı yasadı, Törkiyäneñ köçenä köç östäde, töbägebezdä yaña ber cillär isterde.” - dide.

İlbaşı Ärdoğan Törkiyä Böyek Millät Mäcleseneñ 28 nçe çaqırılışınıñ 5 nçe qanun çığaru yılın açu uñayınnan Mäclesneñ ğomum şurasına möräcäğät itte.

“Törle säyäsi partiyalär, törle fikerlär — Törkiyäneñ häm Törkiyä demokratiyaseneñ baylığı. Läkin här säyäsi partiyaneñ östenlege Törkiyä bulırğa tiyeş, bulırğa mäcbür,” - dip äytkän ilbaşı Ärdoğan tübändägeçä däwam itte:

“Törkiyäneñ millî mänfägätlärenä, millätebezneñ härber äğzasına qağılışlı mäs’älälärdä säyäsät tulı konsensuska ireşep, urtaq tel taba alırğa tiyeş. Bez monı “frontnı nığıtu” dip atıybız. Bez monı 'Böyek Törkiyä kileşüe” dip äytäbez. 'Terrorsız Törkiyä' barışıbıznıñ şulay uq bu cämğiät kileşüenä, millî kileşüne buldıruğa yünältelgän buluın assızıqlarğa telim. Töbägebez ut bocrasına äylängän şartlarda 'Terrorsız Törkiyä' tırışlıqları Törkiyäneñ doşmannarına qarşı toruçan yoğıntı yasadı, Törkiyäneñ köçenä köç östäde, töbägebezdä yaña ber cillär isterde.”