Berläşkän Ğaräp Ämirlekläreneñ hawa yulı şirkäte “Flydubai”nıñ Dubay - Tel‑Aviv reysın başqaruçı yulçı oçqıçınıñ hawada ğadättän tış xäl kodın cibärüe belderelde.
İzrailneñ “Kanal 12” televideniyesı xäbärenä kürä, Dubaydan kütärelep kitkän oçqıç Yordaniya hawa kiñlege östendä oçqanda başta ğadättän tış xälne belderüçe "7700" kodın, küp tä ütmiçä oçqıçnı urlawnı añlatuçı "7500" kodın da cibärde.
TÄQDIM ITELÄ
Signallardan soñ İzrail hawa köçläre oçqıçları yulçı oçqıçına taba oçtı. Yordaniya küklärendä beraz äylängän häm yaqınça 100 İzrail watandaşı bulğan oçqıç soñınnan Soğud Ğaräbstanına yünälgän.
Räsmilär äytüençä oçqıçqa İzrailgä töşep utırırğa röxsät birelmägän häm xäzerge waqıtta oçqıç belän êlemtä urnaştıru mömkinlege yuq.
