İspaniyäneñ könyaq-könbatışında urnaşqan Kanar utrawlarındağı İerroğa soñğı 24 säğat’ êçendä öç köymädä barlığı 557 qanunsız migrant kilgän.

Kanar utrawları Yar buyı iminlege xezmäte matbuğatqa yasağan belderüdä soñğı 24 säğattä Tönyaq Afrika ile Gvineya-Bisau yarlarınnan yulğa çıqqan häm qanunsız migrantlarnı yörtüe bilgelängän öç köymädäge 557 keşeneñ İerro yarına çığarıluı citkerelgän.

Belderüdä 268, 99 häm 190 keşelek törkemnär belän köymälärdä säyäxät itkän qanunsız migrantlarnıñ Senegal, Gambiya, Mali, Gvineya, Gvineya-Bisau häm Kot – ‘ivuar watandaşları buluları äytelgän.

Migrantlar arasında xatın-qızlar häm balalar da buluı citkerelgän belderüdä sälamätlege naçar bulğan keşelärneñ xastaxanägä cibärelüe bilgeläp ütelä.

Êçke êşlär ministrlığı mäğlümatlarına qarağanda, sentyabrdä Tönyaq Afrikadan Kanar utrawları yarlarına kilgän qanunsız migrantlar sanı 1 meñ 700dän artqan.