Soğud Ğaräbstanı baş möftiye Salix äl-Fävzan Yämändä iminlek häm totrıqlılıqnı qabat urnaştırunıñ iñ möhim burıçlarnıñ berse buluına iğtibar itep, armiya xezmätkärlären xusilärgä qarşı üz ğomere belän köräşergä äzer bulırğa çaqırdı.

İlneñ räsmi xäbär agentlığı “SPA”da urın alğan xäbärgä kürä baş möfti Fävzan Soğud Ğaräbstanı citäkçelegendäge Ğaräp koaliśiyase köçläre häm Soğud Ğaräbstanı armiyä xezmätkärlären berlektä wazıyfaların başqarırğa çaqırdı.

Yämändä iminlek häm totrıqlılıqnı qabat urnaştırunıñ iñ möhim burıçlardan berse buluına basım yasağan Fävzan Ğaräp koaliśiyäse köçlären berdäm bulıp qalırğa häm safların bergä saqlarğa çaqırıp, tübändägeçä däwam itte: “İldä fetnä taratqan, xalıqnı bülgän, citäkçelärenä baş kütärgän häm möselmannarnıñ izge urınnarına zıyan kiterergä tırışqan doşman belän köräşüegezne belegez."

Soğud Ğaräbstanı armiya xezmätkärlären dä sabırlı bulıp wazıyfaların başqarırğa çaqırğan Fävzan: "Sez härwaqıt wazıyfağıznı başqarırğa, östegezdäge citäkçe häm mäydandağı komandirlarığıznı tıñlarğa, alarnıñ boyırıqların zur tögällek belän ütärgä äzer bulırğa tiyeş," - dide.

İlne saqlaw, çik buylarında urnaşu, ilgä yasalğan höcümnärne totqarlaw häm anıñ ber santimetrına qağılırğa teläwçelärne cäzağa tartunıñ iñ zur wazıyfa buluın äytkän Fävzan bigräk tä möselmannarnıñ izge urınnarı bulu säbäple ilne saqlaw öçen keşelärneñ üz ğomerlären qorban itüläre xaqında citkerde.

Yämändäge xusilär inde küptännän Soğud Ğaräbstanınıñ çik buyı töbäklärenä häm könyaq vilayätlärenä ballistik raketalar häm dronnar belän höcüm itä.