Qara diñgezneñ turistik şähärläreneñ berse bulğan Trabzon soñğı waqıtta bigräk tä Misırdan kilüçelärdä aktivlıq artu belän iğtibarnı cälep itä.
Şähärneñ mädäniyät häm turizm idaräse mäğlümatlarına qarağanda, Trabzonğa kilep qaluçı Misır qunaqları sanı uzğan yılnıñ ğıynwar-awgust aylarında 4 meñ 450 bulğan bulsa, bıyılnıñ şul uq çorında 5 meñ 558gä citkän.
Şulay itep, älege çorda 25 %qa artu küzätelgän.
Aylıq mäğlümatlarğa qaraganda, bu artu avgustta tağın da kübräk bulğan.
Uzğan yılnıñ avgustında 1151 bulğan Misır qunaqları sanı bıyılnıñ şul uq ayında 1788gä citkän.
Bu uzğan yılnıñ şul uq ayı belän çağıştırğanda 55%qa kübräk.
Misırnıñ yoldız futbolçısı Möxämmäd Salahnıñ “Trabzonspor” futbol komandasına kilüe şähärneñ Misırda tanıluına häm Trabzon belän Misır arasında turizm ölkäsendäge üzara bäyläneşneñ nığuına öleş kertte.
