Kanadanañ Ontario töbägeneñ Bellvill şähärendäge sinagoga yanında ut açu näticäsendä politsiyä xezmätkäre häm tınıç xalıq yaralanğan.

“ABC News” xäbär itüençä, räsmilär höcüm yäkşämbe könne yähüd cämğıyäte äğzaları Yom Kippur ğıybadätenä cıyılğan waqıtta “Yaqub ulları” sinagogası qarşında bulğan dip beldergän.

Bellvill politsiyäseneñ belderüenä qarağanda, cirle waqıt belän kiçke 7lär tiräsendä bulğan waqıyğada ike keşe, şul isäptän, ber politsiyä xezmätkäre yaralanğan.

Şahitlar zıyan kürgän keşeneñ höcümçe buluın farazlıy, läkin politsiyä höcümneñ säbäbe yäki sinagoga yäisä yähüd cämğıyätenä höcüm yasalğanmı-yuqmı - bu turında mäğlümat bimäde.

Zıyan kürüçelär xastaxanägä ozatılğan, waqıyğa buyınça tikşerü başlanğan.