Ärmänstan premyer-ministrı Nikol Paşinyan ilendä urnaşqan Rusiyä xärbi bazasınıñ iminlek öçen möhim tügellegen häm aña ixtıyacları bulmawın belderde.

Paşinyan matbuğat oçraşuında Ärmänstannıñ Gömre şähärendä urnaşqan 102 nçe Rusiyä xärbi bazasına qağılışlı bäyäläwlär yasadı.

Baza belän bäyle mäs'äläne üzläre tügel, Rusiyäneñ kütärüen äytkän Paşinyan: "Xärbi baza Ärmänstannıñ iminlege öçen ähämiyät tügel," - dide.

Paşinyan Rusiyä xärbi bazasınıñ Ärmänstan iminlegenä öleş kertmäwen bilgeläde häm: "Rusiyä - bezneñ dus ilebez. Bezgä Rusiyä xärbi bazası kiräk tügel. Alar çığarırğa teläsälär — çığarsınna, irtägä ük çıqsınnar. Ägär qalırğa teläsälär, bez Ärmänstan öçen kiräksez bulğan bazanı qaldıru şartların söyläşergä äzer," - dip äytte.

Ärmänstannıñ Gömre şähärendä urnaşqan 102 nçe Rusiyä xärbi bazası Rusiyäneñ Könyaq Qavqazdağı töp xärbi üzäklärennän berse bulıp sanala.

Üzäk 1995 yılda imzalanğan kileşü nigezendä êşli. Anda ciröste köçläre berämlekläre belän bergä hawa saqlanu êlementları häm suğış oçqıçları da urnaşqan.

Rusiyä däwlät başlığı Vladimir Putin berniçä atna êlek üzäk turında: "Ägär dä Ärmänstan bu asqormağa ixtıyacı yuq dip qarar qılsa, irtägä dä kitä alabız," - dip äytkän ide.