Rusiyä ğalämdä qorallanu yarışın buldırmas öçen aşığıç räweştä konkret çaralar kürelergä tiyeşlege turında belderde.

Rusiyäneñ Tışqı êşlär ministrlığı süzçese Mariya Zaxarova AQŞ hawa köçläre ğomum särqätibe Troy Meinknıñ “bez ğalämne kontrol itü öçen kiräkle qorallarga iyä” digän süzlärenä bäyä birde.

Zaxarova AQŞnıñ bu mäs’älädä zıyan saluçı yul totuın äytep, monıñ isä naçar näticälärgä kiterä aluın bilgeläp ütte häm tübändägelärne citkerde:

"Vaşington citäkçelege üzeneñ çikle mänfağätläre öçen ğalämdä barlıqqa kilä ala torğan härtörle qorallı bäreleşneñ keşelek öçen faciğa bulğan näticälären tulısınça iğtibarsız qaldırırğa äzer. Bu, ğaläm belän bäyle êşçänleklärgä häm illärneñ ğalämne açu mömkinlegenä qurqınıç tudıra. Dönyada küp sanlı sośial häm iqtisadi barışlar öçen risklar barlıqqa kiterä. Ğalämdä qorallanu yarışın buldırmas öçen aşığıç räweştä konkret çaralar kürelergä tiyeş."

Süzçe Zaxarova ğalämdä qorallarnı urnaştırunı tıyu turındağı söyläşülärne kiçekmästän başlatu kiräklegen belderde.