Çärşämbe könne çıqqan “Wall Street Journal” xäbärenä qarağanda, AQŞ ilbaşı Donald Tramp İran belän suğışnı tuqtatu turında iğlan itärgä uylağanda, Pentagon Yaqın Könçığışta ğaskärlären totunı tınıç qına ozayta.
Gazet Trampnıñ üzeneñ yuğarı yärdämçeläre belän İran belän suğışnı tuqtatırğamı-yuqmy ikänen qarawın häm monıñ ilbaşınıñ "teläge" bulunı yaza. Tramp iqtisadi basımnı däwam itü, axır çiktä, Tährannı yä atom-töş programmasın tuqtatırğa, yä yuq buluğa taba yünälergä mäcbür itäçäk dip sanıy.
Uzğan atnada AQŞ İrannıñ neft, sudnolar yörtü, aviatsiya, altın, texnologiya häm sanlı aktivlar tarmaqları kebek töp iqtisadi arteriyälärenä yünältelgän "iqtisadi çitläşterü" operatsiyäsen başladı.
Şäxsi fiker alışularğa qaramastan, Pentagon xärbi missiyälären ozayta, bu suğışnıñ "kiläse yılnıñ axırına qadär" däwam itä aluın kürsätä.
AQŞ Yaqın Könçığışta 50 000 ğaskäri häm 19 xärbi qorab totuın däwam itä.
