İran tışqı êşlär ministrı Abbas Arakçi İran belän AQŞ arasında iyün ayında Paqıstanda tözelgän kileşüne  ğamälgä aşırudağı iñ zur kirtäneñ İzrail buluın belderde.

Tışqı êşlär ministrlığınıñ Telegram akkauntındağı mäğlümatına qarağanda, Arakçi cıyılışta yasağan çığışında 28 fevraldä AQŞ/İzrail tarafınnan İranğa qarşı başlanğan suğıştan soñ alıp barılğan diplomatik prośessnı bäyäläde.

Tähran belän qarşı yaq arasında tözelgän kileşüneñ İran mänfäğätlärenä turı kilüen äytkän Arakçi, AQŞnıñ ike atnadan da azraq waqıt uzğaç kileşüne bozа başlawın belderde.

Ul: “İzrail – bu kileşüne tormışqa aşırudağı iñ zur kirtä”,– dide.

Diplomatik uñışnıñ üzeneñ yäki tışqı êşlär ministrlığınıñ uñışı bulmawın äytkän Arakçi: “Bu İran xalqınıñ ciñüe ide. Bu – suğışta qarşılıq kürsätüneñ doşmannı İrannıñ taläplären qabul itärgä mäcbür itüneñ näticäse ide”, – dide.