Rusiyäneñ Orenburg ölkäsendäge Orsk neft' êşkärtü obyektı dron höcüme arqasında tulısınça yabılğan häm remont altı ayğa qadär waqıt alırğa mömkin dip xäbär itelä.

Orenburg gubernatorı Yevgeniy Solntsev yazmaça belderüendä 11 avgustta Orsk neft' êşkärtü obyektına dron höcüme turında belderde.

Solntsev höcümneñ neft' êşkärtü obyektınıñ möhim asqormasına zıyan kiterüen häm qayber öleşlärne tözätü mömkin tügellegen belderde, “Obyekt tulısınça yabıldı. Bez iñ naçar ssenariyğa äzerlänäbez. Bezgä çit illärdän kiterelgän yağulıqqa tayanırğa turı kiläçäk”, dip östäde.

Solntsev qorılmadağı cıhazlarnıñ çit ildän kertelgän buluın assızıqladı häm sanktsiyälär arqasında remont waqıtı 6 ayğa qadär suzıla aluın belderde. Ul, şulay uq, töbäktä yağulıq logistikası yañadan oyıştırıluın, Orenburgtağı 287 yağulıq salu stantsiyasınıñ 80%ı êşläwen häm yağulıq belän täêmin itüdä maxsus xezmät maşinalarına östenlek birelüen bilgeläp ütte.

Orsk neft' êşkärtü êşxanäsenä11 avgustta dronnar höcüm itte, näticädä ob'yektta yanğın çıqtı. Höcümdä zıyan kürüçelär yuq.

Ukrainanıñ Rusiyä neft' êşkärtü obyektlarına höcümnäre arqasında yağulıq belän täêmin itüdä problemalar tudı, benzin häm dizel' yağulığı êksportı tuqtatıldı.