Bötendönya sälamätlek saqlaw oyışması süzçese Tarik Jasarevic, utnı tuqtatuğa qaramastan İzrail yawında bulğan Ğazzädä meñlägän xastanıñ êvakuaśiya kötüen belderde.
Jasarevic “Anadolu” agentlığı xäbärçeseneñ "Ğazzädä utnı tuqtatuğa qaramastan êvakuaśiyalär mäs'äläsendä problemalarnıñ däwam itüen küräbez. Biredäge şaqtıy xasta keşe dä däwalanu öçen yärdämgä çaqıra. Êvakuaśiyalär belän bäyle soñğı wazğıyät nindi? Küpme keşe däwalanu öçen kitüne kötä?" digän sorawına yazmaça cawap birde.
Jasarevic beldergänçä Ğazzädä 2023 yılnıñ oktyabrennän birle 6 meñ 186 sı bala bulğan barlığı 12 meñ 913 xasta däwalanu öçen êvakuaśiyalände, alarnı 16 meñ keşe ozatıp bardı.
Jasarevic xastalarnıñ däwalanu öçen töbäktän atnada 3-4 tapqır çığarıluın assızıqlap: "2-8 avgust könnärendä 101 xasta häm 164 ozatıp baruçı êvakuaśiyalände. Meñlägän xasta haman da töbäktän kitüne kötä," - dide.
Ğazzädäge sälamätlek saqlaw ministrlığı mäğlümatlarına qarağanda Ğazzädä utnı tuqtatu ğamälgä kergän 2025 yılnıñ 10 oktyabrennan birle İzrail höcümnärendä 4 meñ 145 keşe yaralandı, 1258 keşeneñ ğomere özelde.
Ministrlık İzrail 2023 yılnıñ oktyabrennan birle Ğazzä sızığına oyıştırğan höcümnärdä tuplam 73 meñ 386 keşeneñ ülüen, 174 meñ 256 keşeneñ yaralanuın citkergän ide.
