Paqıstan premyer-ministrı Şärif sośial’ media akkauntında Törkiyä, Soğud Ğaräbstanı häm Paqıstan arasında imzalanğan urtaq saqlanu kileşüe turında belderü yasadı.

Törkiyä ilbaşı Räcäp Täyyip Ärdoğan häm Soğud Ğaräbstanı täxet warisı bin Sälman belän “Mäkkä urtaq saqlanu kileşüe”nä qul quyu belän ğorurlanuın beldergän Şaaxbaz Şärif  öç tuğandaş ilne iman, duslıq, tınıçlıq häm qurqınıçsızlıq mäs’älälärendä urtaq qatğıylıq berläşterüen assızıqladı.

Şärif: “Bu tarixi kileşüneñ kiläçäk buınnar öçen tınıçlıq qalqanı bulıp qaluın häm öç tuğandaş ilgä genä tügel, ä böten möselman ömmätenä dä mullıq, tınıçlıq kiterüen telim”,-dide.

Mäkkä urtaq saqlanu kileşüe

Törkiyä, Soğud Ğaräbstanı häm Paqıstan comğa könne Soğud Ğaräbstanında urtaq saqlanu kileşüe imzaladı.

Agressiyäneñ barlıq törlärenä qarşı kollektiv tıyunı köçäytügä yünältelgän kileşü öç däwlätneñ bersenä yasalaçaq höcüm barısına da höcüm dip sanalaçaq punktnı üz êçenä ala.