Zelenskiy sośial' çeltärdäge akkauntında yasağan belderüendä, armiya, xökümät häm qurqınıçsızlıq berämlekläre räsmi zatları belän oçraşıp, fronttagı soñğı täraqqıyätlärne söyläşülären belderde.
Doneśk töbägendä Konstantinovka häm Slavyansk şähärläre yünäleşendäge front sızığında Ukraina armiyäse yasıysı adımnarnı, şulay uq Ukraina qorallı köçlärendäge personal belän bäyle mäs'älälärne qarawların citkergän Zelenskiy, Ukrainadagı infrastrukturanı Rusiyä höcümnärennän saqlaw öçen östämä çaralar qullanu kebek xosuslarnı da qarap çığuların bilgeläp ütte.
Berlektäş illärdän Ukrainağa hawa saqlanu sisteması öçen kiräkle raketalar cibärüneñ möhim ülçämdä kimüenä iğtibarnı cälep itkän Zelenskiy: "Hawa saqlanuı öçen kiterelgän raketalar sanı 2025 yıl belän çağıştırğanda 3 tapqırğa kimede. Berlektäşlärneñ raketaları bar", — dide.
Rusiyädäge neft' ob'yektlarına yünälgän höcümnärne däwam itterülären beldergän Zelenskiy: " Suğışnı ozaytunıñ bäyäse höcüm itüçe öçen artaçaq", — dide.
