Ministr Fidan 31 iyüldä Soğud Ğaräbstanı tışqı êşlär ministrı Fäysal bin Färxan belän telefon aşa söyläşte.

Söyläşüdä töbäktäge soñğı wazğiyät häm däwam itüçe bäreleşlärne tuqtatu öçen alıp barılğan tırışlıqlar tikşerelde.

1 avgustta İran tışqı êşlär ministrı Abbas Araqçi belän telefon aşa êlemtägä kergän Fidan söyläşülär barışındağı soñğı xälne bäyäläwlären belderde.

Fidan: “Törkiyä töbägebezdä bäreleşlärneñ betüe häm daimi tınıçlıq urnaştıru öçen tırışlıqların däwam itäçäk”, — dip äytte.

3 avgustta Kuveyt tışqı êşlär ministrı Cärrax Cabir äl-Äxmäd äs-Sabax belän söyläşkän Fidan wazıyfadaşı belän töbäktäge soñğı wazğiyätne bäyäläde.

Şul uq könne Fidan telefon aşa Tön’yaq Makedoniya Törek Demokratik partiyäse ğomumi räise Zölfikar Zäynulla belän dä söyläşte. Ul anı Däwlät ministrı wazıyfasına bilgelänüe belän täbrik itte häm yaña wazıyfasında uñışlar teläde.

Şul uq könne ministr Fidan Angliyäneñ yaña tışqı êşlär ministrı Ed Miliband belän dä telefonnan söyläşte.

Fidan  wazıyfadaşın yaña wazıyfasına kereşüe belän täbrik itte. Söyläşüdä Ğazzädäge, Yaqın Könçığıştağı wazğıyät’, Rusiyä-Ukraina suğışındağı soñğı täräqqiyät’lär häm töbäktä däwam itüçe bäreleşlärne tuqtatuğa qağılışlı tırışlıqlar qaraldı.

Monnan tış, Xaqan Fidan küp sanda yuğarı däräcäle räsmilär belän üzara oçraşular da ütkärde.