Êçke êşlär ministrlığınnan yasalğan belderügä qarağanda, İminlek ğomum mödirlegeneň küzläw bülege koordinaŝiyasendä, Afyonkarahisar häm İskeşähär iminlek mödirlekläreneñ küzläw bülekläre tarafınnan urtaq êşçänlek alıp barıldı.

Näticädä, 15 iyul könge tüntäreleş omtılışı waqıtında ilbaşı Ärdoğannı üterergä cıyınğan, qızıl byulleten belän êzlängän, êşennän quılğan kapitan häm êlekke boralaq pilotı bulğan terrorçı B.K.nıñ urını bilgelände.

Terrorçı B.K, Afyonkarahisar İminlek mödirlegeneň terrorçılıqqa qarşı köräş bülege törkemnäre tarafınnan totqarlandı.

Ministrlık belderüendä “FETÖ” häm anıñ strukturaları belän köräşneñ täwäkkällek belän däwam itäçäğe bilgeläp ütelde.

Yäşeren öydä totqarlandı

B.K.nıñ poliŝiya idaräsendä tikşerüläre däwam itä. Ul şähär üzägendä urnaşqan "İnaz” cirteträw yortlarındağı oyışmanıñ yäşeren öyenä yasalğan operaŝiyädä qulğa alındı.

İminlek çığanaqlarına kürä belä torıp üterü omtılışınnan soñ totqarlanmas öçen kiyenü stilen gel üzgärtep torğan terrorçı yasalma pasport qullanğan häm bitne tanıp belü sistemasına terkälgännän soň bilgelängän.

Beraz küzätü astında totılğan B.K. küp aqça belän çit ilgä qaçarğa cıyınğan waqıtta qulğa alınğan.