Cirle räsmi zatlar çärşämbe könne yasağan belderüdä, Franśiyanıñ könyağında urnaşqan Var regionında (Urta diñgez yar buyı) sişämbe könne başlanğan häm tizlek belän taralğan urman yanğınınıñ 2 meñ 500 gektardan artıq mäydannı kölgä äyländerüen häm 400 keşeneñ öylären taşlap kitärgä mäcbür buluın xäbär itte.

Varnıñ yanğın sünderü oyışması wäkile, komandir Uil’yam Vogl “RMC” radiosına yasağan belderüendä: «Bez bik awır xäldä. Meñ 100gä yaqın yanğın sünderüçe töne buyı ut yalqınnarı belän köräşte», — dide.

Vogl çärşämbe irtäsendä yanğınnıñ kontrol' astına alınmawın, läkin yuğarı temperaturağa qaramastan cilneñ bügen uñaylıraq buluı kötelüen äytte.

Var regionı räsmi zatları çärşämbe könne 2 meñ 300 yortnıñ êlektrsız qaluın, alarnıñ kübeseneñ Kotinyak awılında buluın belderde.

Awrupa — dönyanıñ iñ tiz cılınuçı qıytğası. Şaqtıy belgeç citkergänçä klimat krizisı qaynar hawa dulqınnarınıñ, qorılıqnıñ häm urman yanğınnarınıñ köçen arttıra, şul uq waqıtta kinät çığuçı häm cimergeç dawıllarğa kiterä.