Milli küzläw oyışmasınıñ “DEAŞ” terror oyışmasına qarşı operaśiyasendä oyışmanıñ “Törkiyä vilayäte” dip atalğan strukturasında êşçänlek alıp barğan häm sarı töstäge byulleten belän êzlängän "Abdüssälam Türki" quşamatlı Talip Gülär totqarlanıp, Törkiyägä kiterelde.

Qurqınıçsızlıq çığanaqlarınnan alınğan mäğlümatqa kürä, Milli küzläw oyışması “DEAŞ” terror oyışmasınıñ "Faruk ofisı" bularaq bilgele “Törkiyä vilayäte” strukturasına qarşı operaśiya oyıştırdı.

Alıp barılğan küzläw êşçänlekläre näticäsendä "Abdüssälam Türki" quşamatlı Talip Gülärneñ 2021 yılğa qadär “DEAŞ”nıñ güyä "Törkiyä vilayäte cawaplısı" häm "Faruk ofisı"nıñ güyä finans cawaplısı bularaq êşçänlek alıp barğan häm 2021 yılda uzdırılğan operaśiya belän Törkiyägä kiterelgän Kasım Gülärneñ bertuğanı buluı açıqlandı.

Alıp barılğan êşçänleklär näticäsendä sarı byulleten belän êzlängän Talip Gülärneñ 2014 yılnıñ ğinwar ayında qanunsız yullar belän Süriyägä kitüe bilgelände. Gülärneñ Süriyädäge êşçänlegen abıysı Kasım Gülär häm oyışma cawaplıları belän bäyläneştä torıp alıp baruı raslandı.

Milli küzläw oyışması terror oyışması “DEAŞ”nıñ güyä "Törkiyä vilayäte cawaplısı" Kasım Gülär totqarlanğannan soñ bertuğanı Talip Gülärgä qarata da êşçänlegen tiränäytte.

Törkiyägä kiterelgän Talip Gülär kürsätmäsendä oyışma isemennän başqarğan êşçänleklären qabul itte.