Rusiyä ilbaşı Vladimir Putin Rusiyä häm AQŞnıñ, "ike iñ zur atom-töş däwläte" bularaq, global' qurqınıçsızlıq öçen berdäy cawaplı buluın belderde.
Kreml' belderüenä qarağanda, şimbä könne ilbaşı Donald Trampqa AQŞ bäysezlegeneñ 250 yıllığı uñayınnan çibärgän möräcäğatendä Putin Bäysezlek Deklaratsiyäsenä qul quyu Amerika Quşma Ştatlarınıñ tuuın ğına tügel, ä "dönya tarixındä möhim borılış noqtasın" da çağıldıra dip belderde.
Putin Rusiyäneñ "Tön’yaq Amerika kolonial' köçläreneñ Britaniya xakimlegenä qarşı azatlıq öçen köräşen şxuplawın" belderde häm Mäskäw belän Vaşingtonnıñ ike dönya suğışında da berlektäşlär buluın iskä töşerde.
Putin üz möräcäğatendä bolay dip belderde: "Bez ike dönya suğışında da berlektäşlär idek, bergäläp keşelekne natsizm qurqınıçınnan qotqardıq häm annan soñ zamança dönya tärtibeneñ nigezen saluda möhim rol' uynadıq. Bügen Rusiyä häm Amerika Quşma Ştatları, ike iñ zur atom köçe bularaq, global' masştabta qurqınıçsızlıq häm totrıqlılıqnı täêmin itüdä ayırım cawaplılıq yörtä".
Putin Mäskäw häm Vaşington arasında "konstruktiv, tigez häm üzara faydalı" mönäsäbätlär urnaştırunıñ möhimlegen assızıqladı häm bu adımnarnıñ ike ilneñ dä, ğomumän, xalıqara cämğıyät’neñ dä mänfäğat’lärenä xezmät itäçägenä ışanuın belderde.
