İlbaşı Räcäp Tayyip Ärdoğan AQŞ liderı Donald Tramp belän telefon aşa söyläşte.

İlbaşı apparatı êlemtä idaräse belderüenä qarağanda, Ärdoğan-Tramp söyläşüendä Törkiyä-AQŞ mönäsäbätläre, şulay uq, töbäk häm global' mäs'älälär qaraldı.

İlbaşı Ärdoğan İran belän AQŞ arasındağı kiyerenkelektä diplomatiyädän maksimal' faydalanu möhimlegen, söyläşülärneñ däwam itüenä ömetlänülären häm Törkiyäneñ tınıçlıq urnaştıru tırışlıqların xuplawın belderde.

Äñgämä barışında Ärdoğan Paqıstan häm Soğud Ğaräbstanı belän (uzğan atnada) imzalanğan Urtaq saqlanu kileşüe belän töbäk totrıqlılığın häm qurqınıçsızlığın täêmin itü öçen nıqlı pozitsiyälären kürsätte, dip belderde.

İlbaşı Ärdoğan, şulay uq, Ğazzä tınıçlıq protsessınıñ ikençe êtapına küçü maqsatı quyılğan waqıtta İzrail' administratsiyaseneñ fälästinlelärgä qarşı ğamälläre artuın bilgeläp ütte häm Törkiyäneñ töbäktä ozaq waqıtlı tınıçlıqnı häm Ğazzäne torğızu öçen atılaçaq adımnarnı xuplawın däwam itäçägen assızıqladı.