Törkiyä Sänäğat häm texnologiyälär ministrı Mäxmät Fatix Kacır Ay proyektının waqıtı tögäl bilgelänüen belderde häm: “Bez 2027 yılnıñ berençe aylarında üzeneñ gibrid xäräkätländerü raketa sisteması bulğan Ay apparatın ğalämgä cibäräçäkbez”, - dide.

Ministr Kacır Afyonkaraxisardagı Êmre külendä ütkärelgän 28nçe TÜBİTAK kük yözen küzätü çarasında matbuğatqa belderü yasadı.

Kacır Törkiyäneñ Milli Texnologiyälär İnitsiativasında ğalämneñ bik möhim urın alıp toruın bilgeläp ütte häm ğaläm texnologiyäläreneñ saqlanu sänäğate kebek möhim ölkälär üçen iñ strategik asqorma buluın östäde.

Kacır ilbaşı Räcäp Tayyip Ärdoğan citäkçelegendä bik möhim êşlär başqaruların assızıqladı häm “BİLSAT”, “RASAT”, “GÖKTÜRK-2”, “Türksat 6A” häm “İMECE” belän yasalma iyärçen texnologiyäläre ölkäsendä bik möhim mömkinleklär buldırularına ig'tibar cälep itte.

Ministr Törkiyä öçen ğalämgä bäysez kerü strategik maqsat buluın belderde häm Törkiyäneñ raketa häm raketa texnologiyäläre ölkäsendä bik zur mömkinleklärgä iya buluın östäde.