Törkiyä İndoneziyädä kim digändä 51 keşeneñ ğomeren özgän häm zur cimerelülärgä kitergän cirteträwlär säbäple tirän qayğısın belderde.

Tışqı êşlär ministrlığı Könyaq Sumatra häm Florestağı cirteträwlärdä hälaq buluçılarnıñ ğailäläreneñ qayğısın urtaqlaştı, İndoneziyä xalqına teläktäşlek belderde häm yaralanğan keşelärgä tiz arada sawığu teläde.

Ministrlıq belderüendä: “Cirteträwdän ğomeren yuğaltuçılarnıñ ğailäläreneñ häm İndoneziya xalqınıñ qayğısın urtaqlaşabız, yaralanuçılarnıñ tiz arada sälamätlänüen  telibez”, – diyelde.

Cirteträwlär kiñ külämle zıyan kiterde, töbäktä aşığıç yärdäm êşläre başlandı.

Afätkä qarşı köräş törkemnäre cimerelülärneñ külämen bilgeläw östendä êşli, zıyan kürgän töbäklärdä qatlawlı torğızu prośessı başlandı.

Yäkşämbe könne dä däwam itkän êzläw-qotqaru êşläre waqıtında isän qalğan keşelärgä ireşergä tırıştılar.

Cirteträw näticäsendä  914 yort, 93 belem birü oyışması, 36 sälamätlek saqlaw obyektı häm 38 däwlät binası zıyan kürde.