Filippinnıñ könyağındagı urta mäktäptä bulğan atış näticäsendä, başlanğıç mäğlümatlarğa qarağanda, dürt keşe hälaq bulğan, tuğız keşe yaralanğan.
Milli tikşerü bürosı (NBI) höcümneñ Filippinnıñ könyağındagı Zamboangadagı urta mäktäptä däreslär başlanğançı uq bulğanın belderde.
Belderüdä mäktäpkä qoral belän kergän höcümçeneñ yuğarı sıynıf uquçısı buluı farazlana dip äytelä.
Başlanğıç mäğlümatlarğa qarağanda, höcüm näticäsendä ike uquçı häm ike saqçı hälaq bulğan, tuğız keşe yaralanğan. Belderüdä höcümneñ säbäben häm mäktäptä qurqınıçsızlıq qağıydälären bozu oçraqların açıqlaw öçen tikşerü başlanğan dip östälä.
Filippin ilbaşı Ferdinand Markos iminlek xezmätlärenä höcümne centekläp tikşerergä boyırdı.
Markos, şulay uq, xakimiyatne mäktäplär häm cirle cämğiyätlär belän xezmättäşlektä uquçılarnıñ qurqınıçsızlığı çaraların köçäytergä çaqırdı.
İyün' ayında ilneñ San-Xose milli urta mäktäbendä şundıy uq atış buldı, nätijädä öç uquçı ülde, bişese yaralandı.
