Milli afätlär qurqınıçın idarä itü bülege 7,4 zurlığındağı cir teträwdän soñğı wäzğıyät’ turında belderü yasadı.

Belderügä qarağanda, cirteträwdän hälaq buluçılar sanı 294kä , yaralanğan keşe sanı 3 meñ 935kä citkän ,yuğalğan keşe sanı - 320.

Cirteträw 15 provinśiyädäge 448 qasabağa täêsir itkän, afättän 54 meñ 8 ğailä, yäğ’ni barlığı 115 meñ 461 keşe zıyan kürgän.

Şul uq waqıtta xökümät yañadan torğızu planın äzerli.

Plan ilbaşı Abelardo de la Êspriella kürsätmäläre nigezendä äzerlänäçäk.

Êşçänleklär qısalarında milli afätlär qurqınıçın idarä itü bülege, toraq ministrlığı, êşxanälär, cirle idarälär, däwlät häm şäxsi tarmaq oyışmaları, finans oyışmaları häm xezmättäşlek oyışmaları arasında koordinaśiya täêmin iteläçäk.

Çaralar häm çığanaqlarnı koordinaśiyäläw zıyan kürgän töbäklärne torğızu öçen xökümät tarafınnan buldırılğan “Moğciza fondı” aşa başqarılaçaq.