Törkiyä tışqı êşlär ministrı Xaqan Fidan Netanyaxu säyäsätläre häm xökümäteneň İzrail, töbäk häm xalıqara qurqınıçsızlıq öçen yöq buluın äytte.

Ministr Fidan comğa könne Äbu-Dabida urnaşqan "The National" gazetına birgän interv’yusında: "Netanyaxu xökümäteneñ säyäsätläre bezneñ öçen genä problema tügel. Bu säyäsätläre häm xökümäte İzrail öçen dä, töbäk öçen dä häm xalıqara qurqınıçsızlıq öçen dä yök bulıp tora häm qurqınıç tudıra", — dip belderde.

Soñgı waqıttagı süzlär Törkiyä belän İzrail arasında açıq konfliktka kiteräçäkme-yuqmı digän sorawğa Fidan: "Konfliktka kiteräçäk bernindi säbäp yuq", — dip cawap birde.

Ministr Fidan Törkiyä ilbaşı Räcäp Tayyip Ärdoğannıñ aqıllı lider buluın häm bernindi tozaqqa da töşmäyäçägen östäde.

Farsı qultığındağı sugış arkasında xalıqara iğtibarnıñ Ğazzädän çitläşüen bilgeläp ütkän tışqı êşlär ministrı: "Fälästänlelärneñ kübräk gumanitar yärdäm ala aluı öçen xalıqara cämäğatçelekneñ İzrailgä tağın da kübräk basım yasawın tä’min itärgä kiräk", — dide.

İran - AQŞ utnı tuqtatuı däwam itä ala

Xaqan Fidan, AQŞ ilbaşı Donald Trampnnıñ "bette" digän süzlärenä qaramastan, İran belän AQŞ arasındagı utnı tuqtatunıñ däwam itä alaçagına ışanuın äytte.

"İke yaq arasında êlemtä citmäw häm yalgış añlaw bar dip uylıym", — digän Fidan pänçeşämbe könne kiçke sägätlärdä İranlı wazifadaşı Abbas Arakçi belän ütkärgän telefon söyläşüeneñ problemanıñ tamırın tiräntenräk añlarga yärdäm itüen dä belderde.

Fidan çişeleşneñ kiyerenleklekne kimetü buluın citkerde.

Ministr Fidan Törkiyä belän AQŞ arasında “F-35” xärbi oçqıçları belän bäyle alıp barıluçı söyläşülär xaqındagı sorawğa: “Säyäsi ixtiyar bar," - dip cawap birde.

Sentyabr ayındagı söyläşülärendä Tramp häm Ärdoğannıñ "F-35” proyektı belän bäyle barlıq kirtälärne beterergä qarar qıluların bilgeläp ütkän ministr: "Şul waqıttan birle bu mä’sälä östendä êşlibez häm, minemçä, tiz arada çişeleşkä ireşäçäkbez", — dide.