Törkiyäneñ qabul itüendä oyıştırılğan 36nçı NATO Däwlät häm xökümät başlıqları sammitına äzerlek tämamlandı.
Yuğarı däräcäle oçraşu qısalarında NATO äğzase 32 ilneñ däwlät häm xökümät başlığı, meñlägän diplomat, jurnalistlar häm çaqırılğannar qunaq itelä. Programmalarnıñ ber öleşe “ATO Congresium”da uza.
NATO Däwlät häm xökümät başlıqları da 8nçe iyüldä İlbaşı qolliyätendä cıyıla.
Saqlanu sänäğäte forumı täwge tapqır Törkiyädä räsmi programma qısalarında ütkärelä
İlbaşı qolliyäsendä bügen NATO saqlanu häm tışqı êşlär ministrları qatnaşuında çaralar oyıştırıla.
Soñğı 3-4 yılda NATOnıñ östämä çarası bularaq oyıştırılğan Saqlanu sänäğäte forumı berençe tapqır Törkiyädä sammitnıñ räsmi programması qısalarında ütkärelä.
NATO urtaqlaşqna programmağa kürä, möhim iğlan yasalaçaq Forumda Törkiyä İlbaşı urınbasarı Cäwdät Yılmaz, Milli saqlanu ministrı Yaşar Gülär häm NATO Ğomum särqätibe Mark Rutteneñ çığış yasawı planlaştırıla.
Saqlanu sänäğätenä qağılışlı törle utırışlar uzaçaq Forum qısalarında Rutte belän Ukraina İlbaşı Volodimir Zelenskiy dä belderü yasayaçaq.
NATO Ğomum särqätibe Rutte saqlanu sänäğäte citeşterüeneñ arttırıluınıñ Forumnıñ iñ möhim başçalardan berse bulaçağın iskärtep uzğan ide.
