İlbaşı sarayında uzğan Ministrlar Kabinetı utırışınnan soñ, ilbaşı Räcäp Tayyip Ärdoğan xalıqqa möräcäğat itte.

Ärdoğan üz çığışında bolay dip belderde: "Bez tarixı häm vöcdanı belän böyek millätneñ balaları. Ğasırlar däwamında bez yığıluçılarğa qulıbıznı suzdıq, bälağa tarığan keşelärgä yärdäm itärgä aşıqtıq. Bez ilebezdä sıyınu êzläwçelärgä işeklärebezne açtıq". Törkiyä liderı bu belderülärendä İzrail xökümäten tänqıytläde. Ul bolay dip däwam itte:

“Bez 73 000 ğayepsez Ğazzä keşeseneñ, kübesençä balalar häm xatın-qızlarnıñ qanın qoyuçı ciñayätçel çeltärneñ ilebezgä qarata yala yağuların isäpkä almıybız. Bezneñ tarixta genotsid ta, küpläp üterü dä, zolım da, kolonializm da yuq. Meñ yıllar däwamındagı danlı tarixıbızda ğadellek häm märxämät kenä bar. Dinenä, çığışına yäki şäxesenä qaramastan, barlıq cäberlängännärgä yärdäm qulı suzıla. İnkvizitsiyädän häm faşist êzärlekläwlärennän qaçqannarnı sıyındıru omtılışı bar. Bezneñ qaharman babalarıbız äytkänçä: “Min täxetemnän, tacımnan baş tarta alam, läkin däwlätemä sıyınğan keşelärne birmäm”. Törkiyägä häm törek millätenä Ğazzädäge wäxşileklären yäşerü öçen yala yağuçılar üz tarixlarına qarasalar, monı yaxşıraq belerlär ide”, - dide Törkiyä ilbaşı Räcäp Tayyip Ärdoğan üz çığışında.