Paqıstan prem’yer-ministrı Şahbaz Şärif ministrlar häm êşmäkärlär belän bergä 2–4 iyül könnärendä Törkiyägä säfär qıla.

Törkiyä ilbaşı Räcäp Täyyip Ärdoğannıñ çaqıruı belän uzaçaq säfär qısalarında Şärifneñ ike yaqlı häm delegaśiyälär däräcäsendä  söyläşülär ütkärüe, şulay uq Törkiyä–Paqıstan Êş Forumı ütkärü planlaştırıla.

Bu säfär belän soñğı yıllarda bigräk tä säwdä, iqtisad, saqlanu sänäğate häm ênergetika ölkälärendäge mönäsäbätlären üstergän ike ilneñ xezmättäşlegen yaña däräcägä kütärüe kötelä.

Oçraşular barışında  Ärdoğan belän Şärif säyäsi häm diplomatik mönäsäbätlärne bäyäläyäçäk, şulay uq iqtisadi xezmättäşlek turında söyläşäçäk.

İke il êşmäkärläre qatnaşında uzaçaq Êş forumı qısalarında Törkiyä häm Paqıstandağı investiśiyä moxite, potenśial’ tarmaqlar, şulay uq ike il arasındağı êş häm investiśiyä mömkinlekläre qaralaçaq.

Êşmäkärlär arasındağı oçraşularda yaña xezmättäşlek mömkinlekläre dä bäyälänäçäk.