Törkiyä xezmättäşlek häm koordinatsiyä agentlığı (TIKA) tarafınnan äzerlängän gumanitar yärdäm paketları Qaraqastağı Törkiyä ilçelege koordinatsiyäse astında cir teträwdän iñ küp zıyan kürgän La-Guayra şähärendäge Xose Mariya Vargas sport kompleksında Venesuêla xakimiyätlärenä tapşırıldı.
Yaqınça 5000 keşegä äzerlängän yärdäm paketlarına may, döge, makaron kebek töp azıq-tölek kertelgän. Ber paket biş keşelek ğailägä 15 köngä citärlek, şulay uq, gigiyena kiräk-yaraqları da kergän.
Törkiyäneñ Qaraqastağı ilçese Naci Aydan Qaramañoğlu, cir teträwdän soñ Törkiyäneñ Venesuêla belän teläktäşlege xäbärlär belän genä çiklänmäwen häm 75 keşedän torğan Törkiyä êzläw-qotqaru törkemeneñ töbäktä êşen däwam itüen belderde. Qaramañoğlu 6nçı fevraldäge cir teträwlär waqıtında Venesuêlanıñ Törkiyägä yärdämen iskä töşerde häm “TIKA”, “AFAD” oyışmaları häm “Qızılay” cämğıyäteneñ aldağı çorda gumanitar yärdäm kürsätüen däwam itäçägen äytte.
Venesuêla tışqı êşlär ministrı urınbasarı Oliver Blanko Törkiyägä räxmät belderde, cir teträwdän soñ Törkiyä xökümäteneñ êzläw-qotqaru törkemen şunda uq cibärüen äytep: “Törek törkemnäre töbäktä ömet çığanağı bulıp qala birä”, dip belderde. Blanko awır waqıtlarda törek xalqınıñ Venesuêlağa suzğan yärdäm qulın onıtmayacaqların assızıqladı.
La-Guayra gubernatorı Xose Alexandro Teran da xalıqara teläktäşlekkä räxmät belderde, êzläw-qotqaru törkemnäreneñ möhim yärdäm kürsätüen häm cimerekleklär astınnan qotqarılğannarnıñ ömet birüen citkerde. Teran: "Çın duslıq mondıy waqıtlarda kürenä", - dide.
