Rusiyä tışqı êşlär ministrı Sergey Lavrov, amerikalı wazifadaşı Marko Rubio belän ütkärgän oşraşuda Ukraina krizısına tuqtaldı.

Rusiyä tışqı êşlär ministrlığınnan yasalğan belderügä qarağanda, Lavrov belän Rubio, Filippin başqalası Manilada uzdırılğan Könyaq-könçığış Aziya däwlätläre assośiaśiyase (ASEAN) cıyılışları qısalarında küreşte.

Ukraina krizısı qaralğan oşraşuda Lavrov amerikalı wazifadaşına front sızığındağı çın xäl turında mäğlümät birde häm Kiyev citäkçelegenä qoral yärdäme belän Rusiyäne strategik ciñelügä duçar itärgä tırışuçı Awrupa illäreneñ totrıqsızlaştıruçı säyäsätläreneñ qabul itelmäslek buluın äytte.

Lavrov ayıruça, Rusiyä tarafınıñ mäsäläneñ säyäsi häm diplomatik yaqtan çişeleşenä uñay qarawın, AQŞ belän 15 avgustta Alyaskada uzğan oçraşuda täêmin itelgän kileşülärgä tuğrı buluın rasladı.

Töbäk häm xalıqara mäs’älälär dä söyläşelgän oşraşuda ike lider Farsı qultığındağı xäl turında fiker alıştı.

Oçraşuda ike yaqlı mönäsäbätlärne yaxşırtu qaraldı, Rusiyä häm Amerika diplomatik missiya wäkilçelekläreneñ êş şartların yaxşırtu mäs’äläse dä kön tärtibenä kilde.

Lavrov häm Rubio, Rusiyäneñ Federal’ ğaläm agentlığı (Roskosmos) häm AQŞnıñ Milli aviaśiya häm ğaläm departamentı (NASA) arasındağı êlemtälärneñ yañadan başlanuınnan qänäğät buluların citkerde.