Paqıstanda köçle yañğırlar häm su basular arqasında häläq buluçılar sanı 37gä citte.
Xäybär-Paxtunxva, Päncab häm Gilgit-Baltistan töbägendä 19 iyüldän birle däwam itüçe musson yañğırları kinät kenä çığuçı su basularğa häm cir şuışularına säbäp buldı.
Räsmi zatlar belderüençä, su basu, yäşen suğu, tok bärü kebek yañğırlar belän bäyle waqıyğalarda Xäybär-Paxtunxvada — 20, Päncabta 17 keşeneñ ğomere özelgän.
Gilgit-Baltistan belän Paqıstan idaräsendäge Azad Cammu häm Käşmir töbägendä köçle yañğırlar kitergän su basular häm cir şuışuları arqasında basulardağı uñış häm cirle xalıqnıñ yortları zıyan kürgän.
Hindstannıñ tönyaq-könşığışında urnaşqan Assam provinśiyasendä köçle yañğırlar kiterep çığarğan su basular arqasında häläq buuçılar sanı 41gä citte.
Assamnıñ Afätlär belän idarä itü oyışması soñğı 24 säğättä su basular arqasında tagın 10 keşeneñ ğomere özelüen belderde.
Şulay itep, Assamdağı su basularda һäläq buluçılar sanı 41gä citte, alar belän bergä provinśiyaneñ 25 urınında barlığı 727 meñ keşe afättä zıyan kürde.
Assam baş ministrı Ximanta Bisva Sarma, 100dän artıq keşeneñ xäbärsez yuğaluın häm qorbannar sanı arta aluın äytte.
Assamda däwam itüçe êzläw-qotqaru êşlärenä Hindstan armiyäse dä yärdäm itä.
